28.11.2010
Мөслим лицееның татар теле һәм әдәбияты укытучысы Ситдыйкова Чулпан Индус кызы “Бердәнберем, газизем - әнием” темасына әдәби-музыкаль кичә үткәрде. Укучылар әниләр турында шигырьләр сөйләделәр. Әниләргә багышланган җырлар яңгырады. Кичәнең 2 нче өлеше “Шагыйрь аналары” дип аталды. Районыбызда яшәп иҗат итүче Мөҗәһит Әхмәтҗановның әнисе Җүәйрә апа, Фоат Садриевның әнисе Гыйздеямал апа һ.б. татар әдипләрен дөньяга китергән әниләр турында мәгълүматлар китерелде. Әдәби әсәрләрдән өзекләр укылды.
