12.12.2010
“Татнет йолдызлары - 2010” Халыкара интернет-проектлар бәйгесендә инде алтынчы ел рәттән "Мәгариф һәм фән", "Наука и образование" номинацияләрендә "бил алышулар" бара. Быел әлеге номинацияләрдә барлыгы 29 интернет-проект катнашты.
Әлеге конкурсантларның бары тик алтысы гына финалга чыгып призлы урыннар яулау бәхетенә ирештеләр. Мөслим 2 нче урта мәктәбе укучыларының "Мөслим төбәге фольклоры" сайты "Мәгариф һәм фән" номинациясендә 2 нче урынга лаек булды. Интернет-проект җитәкчесе Җәлилова Гөлназ Илсур кызы 11 декабрь көнне "Татмедиа" мәгълүмат агентлыгы бинасында үткән бүләкләү тантанасында катнашты һәм конкурсның дипломы белән кыйммәтле бүләген алып кайтты.
