09.12.2010
8 нче декабрь көнне Казан шәһәрендә Галимҗан Ибраһимов исемендәге тел, әдәбият һәм сәнгать Академиясендә халык шагыйре Хәсән Туфанның тууына 110 еллыгына багышланган “Хәсән Туфан иҗаты һәм татар әдәбияты” дип исемләнгән фәнни-практик конференция узды. Әлеге конференциядә Мари Бүләр урта гомуми белем бирү мәктәбенең татар теле һәм әдәбияты укытучысы Зилә Шәйхуллина “Хәсән Туфанның мәхәббәт темасына язылган шигырьләренең тел үзенчәлекләре” дигән темага чыгыш ясады. Әлеге чыгыш конференция кысаларында басылып чыккан махсус җыентыкка кертелде.
