28.01.2011
28 нче гыйнвар көнне мәгълүмати-методик үзәкнең актлар залында "Педагогик идеяләр фестивале - 2011" исемле район конкурсының йомгаклау этабы узды. Конкурска тәкъдим ителгән 26 эшнең 14е финалда катнашты. Алар арасында татар теле һәм әдәбияты укытучыларының да эшләре бар. Гимназия укытучысы Шәңгәрәева З.Н. әлеге бәйгедә 2 нче урынга лаек дип табылды, Тимергалиева Э.В. "Индивидуальность и изобретательность" номинациясендә җиңү яулады. Мөгаллимәләребезнең әлеге конкурста катнашкан эшләре белән "Остаханә" бүлегендә танышырга мөмкин.
