16.02.2011
16 февраль көнне Күбәк урта гомуми белем бирү мәктәбендә татар теле һәм әдәбияты укытучылары район методик берләшмәсенең чираттагы утырышы булып үтте. Утырышның темасы "Татар әдәбияты дәресләрендә конкурентлыкка сәләтле шәхес тәрбияләү" дип аталды. I квалификацион категорияле татар теле һәм әдәбияты укытучысы Рәхимова Зилә Хәй кызы 9 нчы сыйныфта Муса Акъегетзадәнең "Хисаметдин менла" әсәренә анализ дәресе һәм якташыбыз Харрас Әюп иҗатына багышланган әдәби-музыкаль кичә күрсәтте. Түгәрәк өстәл артында барган сөйләшүдә дәресләргә бәя бирелде, утырыш темасы буенча фикер алышулар үткәрелде, үткәрелгән эшләргә нәтиҗә ясалды, алдагы бурычлар билгеләнде.
